പുത്തനിന്ത്യ പണിയുവാൻ ശാസ്ത്രബോധമുയരണം: പുസ്തക പ്രചരണം തുടങ്ങി.
പുത്തനിന്ത്യ പണിയുവാൻ
ശാസ്ത്രബോധമുയരണം: പുസ്തക പ്രചരണം തുടങ്ങി.
പിലിക്കോട്: പുത്തനിന്ത്യ പണിയുവാൻ ശാസ്ത്രബോധമുയരണം എന്ന മുദ്രാവാക്യ വുമായി കേരള ശാസ്ത്ര സാഹിത്യ പരിഷത്ത് സംഘടിപ്പിക്കുന്ന മേഖലാ തല ഗ്രാമ ശാസ്ത്ര ജാഥയ്ക്ക് ഡിസം. 9 ന് കാലിക്കടവിൽ സ്വീകരണം നൽകും .
ജാഥയുടെ പ്രചരണാർഥം സംഘടിപ്പിക്കുന്ന ശാസ്ത്ര പുസ്തക പ്രചരണത്തിന്റെ ഉദ്ഘാടനം ദേശീയ അധ്യാപക അവാർഡ് ജേതാവ് കൊടക്കാട് നാരായണൻ നിർവഹിച്ചു. ടി.വി.ശ്രീധരൻ അധ്യക്ഷത വഹിച്ചു. സി.എം. മീനാകുമാരി , കെ. പ്രഭാകരൻ, എം.പി. ശ്രീമണി , കെ.വി.ദാമോദരൻ, വി.കൃഷ്ണൻ , നാരായണൻ വലിയ പറമ്പ, ഭരതൻ പിലിക്കോട് സംസാരിച്ചു. ഡിസംബർ 1 മുതൽ 15 വരെ നടക്കുന്ന കാൽ നട ജാഥയുടെ സ്വീകരണ കേന്ദ്രങ്ങളിൽ പ്രഭാഷണത്തിന് പുറമെ 30 മിനിറ്റ് ദൈർഘ്യമുള്ള നാടകവും അവതരിപ്പിക്കും. പ്രശസ്ത നാടക പ്രവർത്തകൻ ജിനോ ജോസഫ് രചനയും സംവിധാനവും നിർവഹിച്ച നാടകത്തിലെ പാട്ടുകൾ രചിച്ചത് കവി എം.എം സചീന്ദ്രനാണ്.
Loading ...
