ഹൃദയപൂര്‍വ്വം … പാക്കം ഗവണ്‍മെന്റ് ഹയര്‍ സെക്കന്ററി സ്കൂള്‍*
*ഹൃദയപൂര്‍വ്വം … പാക്കം ഗവണ്‍മെന്റ് ഹയര്‍ സെക്കന്ററി സ്കൂള്‍*
പാക്കം : പാക്കം ഗവൺമെന്റ് ഹയർ സെക്കന്ററി സ്കൂളിന് ജില്ല പഞ്ചായത്ത് അനുവദിച്ച 12 ലക്ഷം രൂപയുടെ പ്രീ ഫാബ് ടൊയലറ്റ് സമുച്ഛയം, അക്കാദമികവും അക്കാദമികേതരവുമായ വിവിധ മേഖലകളില്‍ ശ്രദ്ധേയമായ നേട്ടങ്ങൾ കരസ്ഥമാക്കിയ കുട്ടികള്‍ക്കുള്ള അനുമോദനം, 1997 എസ് എസ് എൽ സി ബാച്ചിലെ കെ ശ്രീകാന്ത്, വി രതി എന്നിവര്‍ ചേര്‍ന്ന് സ്കൂളിന് സമര്‍പ്പിച്ച സ്റ്റേജ് കർട്ടൺ ഏറ്റുവാങ്ങൽ, 1985 – 1994 കാലഘട്ടത്തിൽ വിദ്യാലയത്തിൽ അധ്യാപികയായിരുന്ന തൃശ്ശൂര്‍ സ്വദേശിനി കെ വി ഗീത വിദ്യാലയത്തിന് സമർപ്പിച്ച നിലവിളക്ക് ഏറ്റുവാങ്ങൽ, USS പരീക്ഷയിൽ ജില്ലയിൽ ഏറ്റവും കൂടുതൽ മാർക്ക് വാങ്ങിയ ഇ തേജലിന് ചെയർമാൻ ഫർണിച്ചർ ഗ്രൂപ്പിന്റെ അനുമോദനം, ഒന്നാം ക്ലാസിലെ കുട്ടികളുടെ ഡയറി സമാഹാരം – കുഞ്ഞെഴുത്ത് പ്രകാശനം എന്നിവ ‘ഹൃദയപൂർവ്വം 2023’ എന്ന പേരില്‍ ജില്ലാ പഞ്ചായത്ത് ആരോഗ്യ – വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ അഡ്വ S N സരിത ഉദ്ഘാടനം ചെയ്തു. പ്രശസ്ത കഥാകൃത്തും പ്രഭാഷ കനും അധ്യാപകനുമായ ബാലചന്ദ്രൻ എരവിൽ മുഖ്യാതിഥിയായിരുന്നു. പെരുമ്പാവൂര്‍ ആസ്ഥാനമായി പ്രവര്‍ത്തിക്കുന്ന ചെയര്‍മാന്‍ മോള്‍ഡഡ് ഫര്‍ണിച്ചര്‍ കമ്പനിയുടെ ഡയരക്ടര്‍ ദേവിക ആര്‍ മേനോന്‍, ജില്ലാ ഡിസ്ട്രിബ്യൂട്ടര്‍ പ്രദീപ് എന്നിവര്‍ വിശിഷ്ടാതിഥികളായിരുന്നു. സ്റ്റേജ് കര്‍ട്ടണ്‍ കെ ശ്രീകാന്തില്‍ നിന്നും എ രാമന്‍ നായരും, നിലവിളക്ക് രചന അശോകനില്‍ നിന്നും ജി അംബുജാക്ഷനും ഏറ്റുവാങ്ങി. ആദ്യകാല അധ്യാപകന്‍ എ രാമന്‍ നായര്‍, എസ് എം സി ചെയര്‍മാന്‍ ടി കുമാരന്‍, മുന്‍ അധ്യാപകന്‍ ജി അംബു ജാക്ഷന്‍, പി ടി എ വൈസ് പ്രസിഡന്റ് എ രാമനാഥന്‍, കെ ശ്രീകാന്ത്, പി ടി എ മുന്‍ പ്രസിഡന്റ് ടി പ്രഭാകരന്‍, എം പി ടി എ വൈസ് പ്രസിഡന്റ് നിഷ എ ടി, സീനിയര്‍ അധ്യാപകരായ കെ പ്രിയേഷ് കുമാര്‍, പി കുഞ്ഞിരാമന്‍, പൂര്‍വ്വ വിദ്യാര്‍ത്ഥി സംഘടന പ്രതിനിധി രചന അശോകന്‍, പി ടി എ എക്സിക്യുട്ടീവ് അംഗം സുനില്‍കുമാര്‍, സ്കൂള്‍ ലീഡര്‍ ദേവാനന്ദന്‍ എസ് പ്രസംഗിച്ചു. പ്രഥമാധ്യാപകന്‍ രാജേഷ് എം പി റിപ്പോര്‍ട്ട് അവതരിപ്പിച്ചു. പി ടി എ പ്രസിഡന്റ് പി ദാമോദരന്‍ നായര്‍ ചടങ്ങില്‍ അധ്യക്ഷനായിരുന്നു. പ്രിന്‍സിപ്പല്‍ പി ശ്രീധരന്‍ സ്വാഗതവും, സ്റ്റാഫ് സെക്രട്ടറി മനോജ് ബാബു ഒ നന്ദിയും പറഞ്ഞു. ഉദ്ഘാടന പരിപാടി ആരംഭിക്കുന്നതിനു മുമ്പ് ഹയര്‍ സെക്കന്ററി മലയാളം അധ്യാപകന്‍ സുരേഷ് എം എം ഹിന്ദുസ്ഥാനി പുല്ലാങ്കുഴലും അവതരിപ്പിച്ചു.
Loading ...
