മേലാങ്കോട്ട് സ്കൂൾ മുറ്റത്ത് സ്വാതന്ത്ര്യ സമര സ്മൃതി : മഹാത്മാഗാന്ധിയുടെയും എ.സി. കണ്ണൻ നായരുടെയും പ്രതിമ ഉയർന്നു.
മേലാങ്കോട്ട് സ്കൂൾ മുറ്റത്ത് സ്വാതന്ത്ര്യ സമര സ്മൃതി : മഹാത്മാഗാന്ധിയുടെയും എ.സി. കണ്ണൻ നായരുടെയും പ്രതിമ ഉയർന്നു.
കാഞ്ഞങ്ങാട് : സമര ചരിത്രസ്മൃതികൾ നിറഞ്ഞ് മേലാങ്കോട്ട് എ.സി. കണ്ണൻ നായർ സ്മാരക ഗവ.യു.പി.സ്കൂളിന്റെ മുറ്റത്ത് മഹാത്മാഗാന്ധിയുടെയും എ.സി. കണ്ണൻ നായരുടെയും പ്രതിമ .
ശതാബ്ദി ആഘോഷത്തിന്റെ ഭാഗമായി നടന്ന ചടങ്ങിൽ സാംസ്കാരിക- ഫിഷറീസ് വകുപ്പ് മന്ത്രി സജി ചെറിയാൻ പ്രതിമകളുടെ അനാഛാദനം നിർവഹിച്ചു. ദേശീയ സ്വാതന്ത്ര്യ സമര ചരിത്രവും ഉത്തര മലബാറിലെ ദേശീയ സ്വാതന്ത്ര്യ സമര പോരാട്ടങ്ങളും ഒരു പാഠപുസ്തകം പോലെ പുതിയ തലമുറയ്ക്ക് വായിച്ചെടുക്കാൻ സ്കൂൾ മുറ്റത്തെ ശില്പങ്ങൾ ഉപകരിക്കുമെന്ന് അദ്ദേഹം പറഞ്ഞു. രാഷ്ട്ര പിതാവിന്റെ കേരള സന്ദർശനത്തിലൂടെ സ്വാതന്ത്ര്യ സമരത്തിന്റെ മുന്നണിപ്പോരാളിയായി മാറിയ സാമൂഹ്യ പരിഷ്കർത്താവാണ് എ.സി. കണ്ണൻ നായർ. മന്ത്രി കൂട്ടിച്ചേർത്തു.അഡ്വ.പി.അപ്പുക്കുട്ടൻ അധ്യക്ഷത വഹിച്ചു. ദേശീയ അധ്യാപക അവാർഡ് ജേതാവും മുൻ പ്രധാനാധ്യാപകനുമായ കൊടക്കാട് നാരായണൻ , എ.സി. കണ്ണൻ നായരുടെ മകൻ കെ.കെ. ശ്യാംകുമാർ എം. രാഘവൻ , പി.ടി.എ.പ്രസിഡന്റ് ജി.ജയൻ, നിഷ പ്രദീപ്, കെ.വി. വനജ സംസാരിച്ചു. ഉപജില്ലാ വിദ്യാഭ്യാസ ഓഫീസർ കെ.ടി. ഗണേഷ് കുമാർ ശില്പികളെ ആദരിച്ചു. കാഞ്ഞങ്ങാട് സൗത്ത് വൊക്കേഷണൽ ഹയർ സെക്കണ്ടറി സ്കൂൾ ചിത്രകലാ അധ്യാപകൻ സുരേഷ് ടി.ചിത്രപ്പുരയാണ് മഹാത്മാഗാന്ധി പ്രതിമയുടെ ശില്പി. പൂർവവിദ്യാർഥികളായ മക്കൾ അക്ഷയ് , അക്ഷര എന്നിവരുടെ പേരിലാണ് ഏഴടി ഉയരത്തിലുള്ള രാഷ്ട്ര പിതാവിന്റെ പൂർണ കായ സിമന്റ് ശില്പം വിദ്യാലയത്തിന് സമർപ്പിച്ചത്.. അമ്പതിനായിരം രൂപ ചെലവിൽ ആറു മാസമെടുത്താണ് ശില്പം പൂർത്തിയാക്കിയത്. ദുർഗാ ഹൈസ്കൂൾ അധ്യാപകനും യുവതലമുറയിലെ പ്രശസ്ത ശില്പിയുമായ ചിത്രൻ കുഞ്ഞിമംഗലം മൂന്നു മാസമെടുത്താണ്
മൂന്നടി വലുപ്പമുള്ള എ.സി. കണ്ണൻ നായരുടെ അർധ കായ പ്രതിമ നിർമ്മിച്ചത്. എ.സി. കണ്ണൻ നായരുടെ കുടുംബാംഗങ്ങളാണ് അമ്പതിനായിരം രൂപ ചെലവിൽ ഫൈബർ ശില്പം വിദ്യാലയത്തിന് സമർപ്പിച്ചത്.
മേലാങ്കോട്ട് എ.സി. കണ്ണൻ നായർ നായർ സ്മാരക ഗവ.യു.പി.സ്കൂൾ മുറ്റത്ത് സ്ഥാപിച്ച എ.സി. കണ്ണൻ നായരുടെയും മഹാത്മാഗാന്ധിയുടെയും പ്രതിമകൾ ഫിഷറീസ്-സാംസ്കാരിക വകുപ്പ് മന്ത്രി സജി ചെറിയാൻ അനാഛാദനം ചെയ്യുന്നു.
Loading ...
