ചെറുവത്തൂർ ബി ആർ സി യുടെ* *വേറിട്ട അക്കാദമിക പ്രവർത്തനം* *നവമാധ്യമങ്ങളിലൂടെ* *സംസ്ഥാനത്താകെ പ്രചാരം നേടി*
*ചെറുവത്തൂർ ബി ആർ സി യുടെ*
*വേറിട്ട അക്കാദമിക പ്രവർത്തനം* *നവമാധ്യമങ്ങളിലൂടെ* *സംസ്ഥാനത്താകെ പ്രചാരം നേടി*
🔹🔸🔹🔸🔹🔸
തൃക്കരിപ്പൂർ: നിറഞ്ഞ കയ്യടിയോടെ ചെറുവത്തൂരിൻ്റെ ഓൺലൈൻ വർക്ക് ഷീറ്റുകൾ . ‘ഫസ്റ്റ് ബെൽ’ എന്ന പേരിലാരംഭിച്ച ഓൺലൈൻ ക്ലാസുകളുടെ ഭാഗമായുള്ള ഉല്ലാസപാഠത്തിനാണ് ചെറുവത്തൂർ ബി ആർ സി ഇതേവരെ 450 ഓളം ഡിജിറ്റൽ വർക്ക് ഷീറ്റുകൾ തയ്യാറാക്കി കുട്ടികൾക്ക് ലഭ്യമാക്കിയത്‌.
കൈറ്റ് വിക്ടേഴ്സ് ചാനൽ വഴി സംപ്രേഷണം ചെയ്തു വരുന്ന ക്ലാസ്സുകളിലെ വർക്ക് ഷീറ്റുകൾ സംബന്ധിച്ച് ക്ലാസ്സുകൾ കാണാത്ത രക്ഷിതാക്കൾക്ക് ഏറെ ഗുണപ്രദമാണ് ‘കൈത്താങ്ങ്‌’ എന്ന പേരിലുള്ള ഈ വർക്ക് ഷീറ്റുകൾ .ഇതോടൊപ്പം കൂടുതൽ ആകർഷകവും ഐകരൂപമുള്ളതുമായ ഡിജിറ്റൽ വർക്ക് ഷീറ്റുകൾ ലഭ്യമാക്കണമെന്ന അധ്യാപകരുടെ ആവശ്യവും ഇതിലൂടെ സാർത്ഥകമായി. അക്കാദമിക രംഗത്ത് എന്നും ഒരു മുഴം മുമ്പേ പ്രവർത്തനം നടത്തുന്ന ചെറുവത്തൂർ ബി ആർ സി പരിധിയിലെ അധ്യാപക സമൂഹത്തിൻ്റെ പിന്തുണയിലാണ് ഈ ദൗത്യം വിജയകരമായി മുന്നേറുന്നത്.ബി ആർ സി സ്റ്റാഫംഗങ്ങൾക്കാണ് ഏകോപന ചുമതല.
കോവിഡ് കാലമായതിനാൽ അധ്യാപകരെ ബിആർസി യിലേക്ക് വിളിച്ചു വരുത്താതെ ഓരോ വിഷയത്തിലും ക്ലാസ്സിലും 5 വീതം വിദഗ്ധരായ അധ്യാപകരടങ്ങിയ വാട്സ് ആപ്പ് ഗ്രൂപ്പുകൾ രൂപീകരിച്ചാണ് ജാഗ്രതയോടെ വർക്ക് ഷീറ്റുകൾക്ക് രൂപം കൊടുക്കുന്നത്.എൽ പി വിഭാഗത്തിൽ ക്ലാസ്സടിസ്ഥാനത്തിലും യുപി വിഭാഗത്തിൽ വിഷയാടിസ്ഥാനത്തിലുമാണ് ഉല്ലാസപാഠങ്ങൾ പിറവിയെടുക്കുന്നത്. അധ്യാപകരിലും കുട്ടികളിലുമെന്നപോലെ രക്ഷാകർതൃ സമൂഹവും ഈ പ്രവർത്തനത്തെ മുക്തകണ്ഠം പ്രശംസിക്കുകയാണ്. ഓൺലൈൻ ക്ലാസ് കഴിഞ്ഞ് ഒരു മണിക്കൂറിനകം തന്നെ വർക്ക് ഷീറ്റുകൾ ബിആർസി തല അനുമതി കമ്മിറ്റിയുടെ പരിശോധനയോടെ പഞ്ചായത്തുതല അധ്യാപക ഗ്രൂപ്പുകളിലേക്ക് കൈമാറുന്നു തുടർന്ന് ക്ലാസ് തല വാട്സ് ആപ്പ് കൂട്ടായ്മകളിലേക്ക്. ബഹുവർണത്തിലുള്ളവർക്ക് ഷീറ്റുകൾ ഏറ്റവും മികച്ചതാക്കി മാറ്റാൻ ഓരോ അധ്യാപക ഗ്രൂപ്പുകളും സജീവമാണ്.സമഗ്ര ശിക്ഷയുടെ സംസ്ഥാന, ജില്ല ഘടകങ്ങളുടെ അഭിനന്ദനം ഏറ്റുവാങ്ങിയ ഈ വേറിട്ട അക്കാദമിക പ്രവർത്തനം നവമാധ്യമങ്ങളിലൂടെ സംസ്ഥാനത്താകെ പ്രചാരം നേടിക്കഴിഞ്ഞു.
Loading ...
