ടോക്യോ ഒളിമ്പിക്സിന് ഐക്യദാർഢ്യവുമായി ഒളിമ്പിക് നടത്തം
ടോക്യോ ഒളിമ്പിക്സിന് ഐക്യദാർഢ്യവുമായി ഒളിമ്പിക് നടത്തം
പിലിക്കോട് : ടോക്ക്യോ ഒളിമ്പിക്സിന് ഐക്യദാർഢ്യവുമായി ഒളിമ്പിക് നടത്തം സംഘടിപ്പിച്ചു. ജില്ലാ ഒളിമ്പിക് അസോസി യേഷന്റെ ആഭിമുഖ്യത്തിൽ കാസർഗോഡ് ജില്ലാ ഒളിമ്പിക് വേവ് കമ്മറ്റിയാണ് പരിപാടി സംഘടിപ്പിച്ചത്. നടക്കാവ് വലിയ കൊവ്വൽ മൈതാനത്ത് ഒളിമ്പിക് വേവ് ജില്ലാ രക്ഷാധികാരി ഡോ: വി. സുരേശൻ ഫ്ലാഗ് ഓഫ് ചെയ്തു. ഡോ: എം.കെ.രാജശേഖരൻ അദ്ധ്യക്ഷത വഹിച്ചു. ടി.വി ബാലൻ, എം. അച്യുതൻ മാസ്റ്റർ, വി വി വിജയമോഹനൻ, കെ.വി.ഗോപാലൻ എന്നിവർ സംസാരിച്ചു. ഒളിമ്പിക് വേവ് ജില്ലാ ജനറൽ കൺവീനർ വികാസ് പലേരി സ്വാഗതം പറഞ്ഞു.
കോവിഡ് മാനദണ്ഡപ്രകാരം നടന്ന ഒളിമ്പിക് നടത്തത്തിൽ നിരവധി ദേശീയ, അന്തർദേശീയ, യൂനിവേഴ്സിറ്റി കായിക താരങ്ങൾ അണിനിരന്നു. കാലിക്കടവിൽ നടന്ന സമാപന പൊതുയോഗം ചന്തേര സബ്ബ് ഇൻസ്പെക്ടർ ഓഫ് പോലീസ് ശ്രീദാസ് ഉദ്ഘാടനം ചെയ്തു. പി.പി ഉണ്ണികൃഷ്ണൻ മാസ്റ്റർ സംസാരിച്ചു.
പരിപാടിയുടെ ഭാഗമായി ആഗസ്ത് 6 ന് ക്വിസ് മത്സരവും ആഗസ്ത് ഏഴിന് സൈക്കിൾ റാലിയും നടക്കും.
Loading ...
