മടിക്കൈ പൂത്തക്കാലിലെ റെഡ് സ്റ്റാർ ആർട്സ് ആൻഡ് സ്പോർട്സ് ക്ലബ്ബിന് പുതുതായി നിർമ്മിച്ച കെട്ടിടം സിപിഐ എം സംസ്ഥാന കമ്മിറ്റിയംഗം പി ജയരാജൻ ഉദ്ഘാടനം ചെയ്തു
മടിക്കൈ
പൂത്തക്കാലിലെ റെഡ് സ്റ്റാർ ആർട്സ് ആൻഡ് സ്പോർട്സ് ക്ലബ്ബിന് പുതുതായി നിർമ്മിച്ച കെട്ടിടം സിപിഐ എം സംസ്ഥാന കമ്മിറ്റിയംഗം പി ജയരാജൻ ഉദ്ഘാടനം ചെയ്തു.
റിപ്പബ്ലിക് ദിനത്തിൽ ഡൽഹിയിൽ നടക്കുന്ന സൈന്യത്തിന്റെ അഭ്യാസപ്രകടനത്തിൽ കേരളത്തിന്റെ പ്ലോട്ട് അവതരിപ്പിക്കാൻ പ്രതിരോധ വകുപ്പ് അനുമതി നൽകിയില്ല. ശ്രീനാരായണ ഗുരുവിനെ വേണ്ടെന്നും ശങ്കരാചാര്യർ മതിയെന്നുമാണ് നിലപാട്. ചാതുർ വർണ്യ വ്യവസ്ഥ അംഗീകരിച്ച ചുരുങ്ങിയ ഹൃദയത്തിന്റെ ഉടമയാണദ്ദേഹം. മനുഷ്യത്വത്തെ ഉദ്ഘോഷിച്ചയാളാണ് ശ്രീനാരായണ ഗുരുവെന്നും ജയരാജൻ പറഞ്ഞു. കമ്മ്യൂണിസ്റ്റുകാരെ കൊലപ്പെടുത്തി അപവാദം പ്രചരിപ്പിച്ച ആർഎസ്എസിന്റെ റോളാണ് കോൺഗ്രസ് ഇന്ന് ഏറ്റെടുക്കുന്നത്. കെ എസ് ബ്രിഗേഡ് എന്ന പേരിൽ ക്രിമിനലുകളെ പരിശീലനം നൽകി വളർത്തുന്ന പരിപാടിയാണ് നടക്കുന്നതെന്നും അദ്ദേഹം ആരോപിച്ചു. കെട്ടിടോദ്ഘാടനത്തിനൊപ്പം കബഡി ഫെസ്റ്റും സംഘടിപ്പിച്ചിരുന്നു. രണ്ട് വർഷം മുൻപ് പി ജയരാജനെ കൊണ്ട് ഉദ്ഘാടനം ചെയ്യിക്കാൻ നിശ്ചയിച്ചിരുന്നെങ്കിലും ലോക്ക്ഡൗൺ വന്നതോടെ മാറ്റിവെക്കുകയായിരുന്നു. ചടങ്ങിൽ കെ വി കുമാരൻ അധ്യക്ഷനായി. സി പ്രഭാകരൻ, എം രാജൻ, കരുവക്കാൽ ദാമോദരൻ, കെ നാരായണൻ, ഒ കുഞ്ഞികൃഷ്ണൻ എന്നിവർ സംസാരിച്ചു. കെ പ്രമോദ് സ്വാഗതം പറഞ്ഞു.
പി ജയരാജൻ റെഡ് സ്റ്റാർ ആർട്സ് ആൻഡ് സ്പോർട്സ് ക്ലബ്ബ് ഉദ്ഘാടനം ചെയ്യുന്നു
Loading ...
