നീണ്ട 66 വർഷത്തെ ചരിത്രം പറയുന്ന മുക്കൂട് ഗവ.എൽ.പി.സ്കൂളിന്റെ വാർഷികാഘോഷവും മെയ് 31ന്, സർവ്വീസിൽ നിന്നും വിരമിക്കുന്ന പ്രഥമാധ്യാപകൻ ഒയോളം നാരായണൻ മാഷുടെ യാത്രയപ്പും നാടിന്റെ ഉത്സവമാക്കി മാറ്റുന്നതിന്റെ ഭാഗമായുള്ള ആദ്യഘട്ട ഗൃഹസന്ദർശനത്തിന് തുടക്കമായി

April 20, 2022

1,335 Less than a minute

*മുക്കൂട് സ്കൂൾ വാർഷികാഘോഷം – ഗൃഹസന്ദർശനത്തിന് തുടക്കമായി*
മുക്കൂട് : നീണ്ട 66 വർഷത്തെ ചരിത്രം പറയുന്ന മുക്കൂട് ഗവ.എൽ.പി.സ്കൂളിന്റെ വാർഷികാഘോഷവും മെയ് 31ന്, സർവ്വീസിൽ നിന്നും വിരമിക്കുന്ന പ്രഥമാധ്യാപകൻ ഒയോളം നാരായണൻ മാഷുടെ യാത്രയപ്പും നാടിന്റെ ഉത്സവമാക്കി മാറ്റുന്നതിന്റെ ഭാഗമായുള്ള ആദ്യഘട്ട ഗൃഹസന്ദർശനത്തിന് തുടക്കമായി

. സംഘാടകസമിതിയുടെ നേതൃത്വത്തിൽ പൊതുപ്രവർത്തകരും രക്ഷിതാക്കളും ഉൾപ്പെടുന്ന സ്ക്വാഡുകൾ ഒറ്റ ദിവസം കൊണ്ട് സ്കൂൾ പരിധിയിലുള്ള 500 ൽ അധികം വീടുകൾ കയറിയിറങ്ങി വാർഷികാഘോഷത്തിന്റെ സന്ദേശം മുഴുവൻ ആളുകളിലേക്കും എത്തിക്കുകയായിരുന്നു. ആഘോഷത്തിന്റെ ആദ്യ അനുബന്ധ പരിപാടിയായി ഏപ്രിൽ 22 ന് വൈകുന്നേരം 3 മണി മുതൽ സ്കൂൾ ഓഡിറ്റോറിയത്തിൽ സംഘടിപ്പിക്കുന്ന കാരണവക്കൂട്ടത്തിലേക്കും, ഇഫ്താർ സംഗമത്തിലേക്കും, സമൂഹ നോമ്പുതുറയിലേക്കും നാട്ടുകാരെ ഒന്നടങ്കം ക്ഷണിച്ചു കൊണ്ടു നടത്തിയ ഗൃഹസന്ദർശനത്തിന് ആവേശകരമായ പ്രതികരണമാണ് വീടുകളിൽ നിന്നും ലഭിച്ചത്.

സംഘാടക സമിതി ചെയർമാൻ എം.ബാലകൃഷ്ണൻ , ജനറൽ കൺവീനർ സുജിത എ.വി , സബ്കമ്മറ്റി ഭാരവാഹികളായ രാജേന്ദ്രൻ കോളിക്കര, റിയാസ് അമലടുക്കം, എം കൃഷ്ണൻ, രാജേഷ് പി വി, എം. മൂസാൻ, പ്രീത സുരേഷ്, സൗമ്യ ശശി, സുനിത പ്രകാശൻ, റീന രവി , ജയ നിത്യാനന്ദൻ, സൗമ്യ ഷൈജു, ദിവ്യ. എം എന്നിവർ ഗൃഹസന്ദർശനത്തിന് നേതൃത്വം നൽകി.

a