രാവണേശ്വരം താണ്ഡവ് സ്കൂൾ ഓഫ് ആർട്സ് പ്രഥമ വാർഷികാഘോഷം നടന്നു.ഇ.ചന്ദ്രശേഖരൻ എംഎൽഎ പരിപാടി ഉദ്ഘാടനം ചെയ്തു.
രാവണേശ്വരം താണ്ഡവ് സ്കൂൾ ഓഫ് ആർട്സ് പ്രഥമ വാർഷികാഘോഷം നടന്നു.ഇ.ചന്ദ്രശേഖരൻ എംഎൽഎ പരിപാടി ഉദ്ഘാടനം ചെയ്തു.
നൃത്ത കലാ രംഗത്ത് ഒന്നാം വാർഷികത്തിന്റെ നിറവിൽ നിൽക്കുന്ന രാവണേശ്വരം താണ്ഡവ് സ്കൂൾ ഓഫ് ആർട്സ് സംഘടിപ്പിച്ച പ്രഥമ വാർഷികാഘോഷ കലാപരിപാടികൾ കാണികൾക്ക് ദൃശ്യ ചാരുത പകർന്ന കലാ വിരുന്നായി. വാർഷിക ആഘോഷത്തിന്റെ ഭാഗമായി സംഘടിപ്പിച്ച മെഗാ തിരുവാതിര യിൽ കുട്ടികളടക്കം നിരവധി വനിതാ കലാകാരികൾ അരംഗത്തെത്തി. തുടർന്ന് നടന്ന സാംസ്കാരിക സമ്മേളനം വാർഷിക ആഘോഷ കമ്മിറ്റി ചെയർമാൻ എം. ബാലകൃഷ്ണന്റെ അധ്യക്ഷതയിൽ ഇ. ചന്ദ്രശേഖരൻ എംഎൽഎ ഉദ്ഘാടനം ചെയ്തു. ശബ്ദ കലാരംഗത്തെ അതുല്യപ്രതിഭ കരിവെള്ളൂർ രാജൻ മുഖ്യാതിഥിയായി പങ്കെടുത്ത പ്രഭാഷണം നടത്തി. അജാനൂർ പഞ്ചായത്ത് മെമ്പർ പി. മിനി സംഘാടക സമിതി രക്ഷാധികാരികളായ കെ. രാജേന്ദ്രൻ, എ. തമ്പാൻ, എന്നിവർ സംസാരിച്ചു. വാർഷിക ആഘോഷ കമ്മിറ്റി കൺവീനർ അജേഷ് ബാലകൃഷ്ണൻ സ്വാഗതവും പ്രോഗ്രാം കമ്മിറ്റി കൺവീനർ കെ. ഗംഗാധരൻ നന്ദിയും പറഞ്ഞു.സാംസ്കാരിക സമ്മേളനത്തിനു ശേഷം നടന്ന വനിതാ പൂരക്കളി കാണികളുടെ മുക്തകണ്ഠ പ്രശംസക്ക് അർഹമായി. താണ്ഡവ് സ്കൂൾ ഓഫ് ആർട്സിലെ കലാകാരന്മാരും കലാകാരികളും അവതരിപ്പിച്ച നൃത്തനൃത്യങ്ങളും അരങ്ങേറി.
Loading ...
