കോവിഡ് പ്രതിരോധ ബോധവത്ക്കരണ ക്യാമ്പയിൻ ആരംഭിച്ചു .
കോവിഡ് പ്രതിരോധ ബോധവത്ക്കരണ ക്യാമ്പയിൻ ആരംഭിച്ചു .
കാസറഗോഡ് :കോവിഡ്-19 മാനദണ്ഡങ്ങൾ പാലിച്ചു കൊണ്ട് ഓണാഘോഷം നടത്തുന്നതിന് വേണ്ടി പൊതു ജനങ്ങളിൽ അവബോധം സൃഷ്ടിക്കുന്നതിനായി സംഘടിപ്പിക്കുന്ന ബോധവൽക്കരണ പ്രചരണ പരിപാടിക്ക് ജില്ലയിൽ തുടക്കമായി . ജില്ലാ മെഡിക്കൽ ഓഫീസ് (ആരോഗ്യം) ,ദേശീയ ആരോഗ്യ ദൗത്യം,യൂനിസെഫ് എന്നിവയുടെ നേതൃത്വത്തിലാണ് പ്രചാരണ പരിപാടി സംഘടിപ്പിക്കുന്നത് .
പരിപാടിയുടെ ഭാഗമായി ആഗസ്ത് 18 മുതൽ 28 വരെ ജില്ലയിലെ പ്രധാനപ്പെട്ട ടൗണുകൾ കേന്ദ്രീകരിച്ചു ഡിജിറ്റൽ ബോധവൽക്കരണ വാഹനം വഴി ബോധവത്ക്കരണം നടത്തും .”കോവിഡ് ഓർത്തോണം ” എന്ന ഹാഷ് ടാഗ് വെച്ചാണ് പ്രചരണ പരിപാടി നടത്തുന്നത് .വാഹനത്തിൽ കോവിഡ് പ്രതിരോധ സന്ദേശങ്ങളടങ്ങിയ ഡിജിറ്റൽ പോസ്റ്ററുകൾ, എൽ.ഇ.ഡി.വോൾ,ജില്ലാ മെഡിക്കൽ ഓഫീസ് തയാറാക്കിയ വിവിധ കോവിഡ് -19 ബോധവൽക്കരണ ലഘു വീഡിയോകൾ എന്നിവ പ്രദർശിപ്പിക്കും .കടകൾ ,മാർക്കറ്റുകൾ ,ഹോട്ടലുകൾ എന്നിവ കോവിഡ് -19 മാനദണ്ഡങ്ങൾ പാലിച്ചു കൊണ്ട് പ്രവർത്തിക്കുന്നതിന് വേണ്ടിയുള്ള ബോധവൽക്കരണ ലഘുലേഖകളുമായി “മാവേലിയും” പ്രചാരണ വാഹനത്തോടൊപ്പമുണ്ട് .
പരിപാടിയുടെ ജില്ലാതല ഫ്ലാഗ് ഓഫ് ദേശീയാരോഗ്യ ദൗത്യം ഓഫീസ് പരിസരത്തു വെച്ച് ഡെപ്യൂട്ടി ജില്ലാ മെഡിക്കൽ ഓഫീസറും ദേശീയ ആരോഗ്യ ദൗത്യം ജില്ലാ പ്രോഗ്രാം മാനേജർ ഇൻചാർജുമായ ഡോ. എ .വി രാംദാസ് നിർവഹിച്ചു .കോവിഡ്-19 ഇന്ഫ്രാസ്ട്രക്ച്ചർ ജില്ലാ നോഡൽ ഓഫീസർ ഡോ .രിജിത് കൃഷ്ണൻ, ജില്ലാ എഡ്യൂക്കേഷൻ ആൻഡ് മീഡിയ ഓഫീസർ അബ്ദുൾ ലത്തീഫ് മഠത്തിൽ ,ജില്ലാ കണ്ട്രോൾ സെൽ ജൂനിയർ ഹെൽത്ത്‌ ഇൻസ്‌പെക്ടർ മഹേഷ്‌ കുമാർ .പി .വി എന്നിവർ സംബന്ധിച്ചു.
കാസറഗോഡ്
18-8-2021
ഡോ .രാംദാസ് എ വി
ഡെപ്യൂട്ടി ജില്ലാ മെഡിക്കൽ ഓഫീസർ & ജില്ലാ പ്രോഗ്രാം ഓഫീസർ ഇൻചാർജ് ,ദേശീയ ആരോഗ്യ ദൗത്യം,കാസറഗോഡ്
Loading ...
