മേലാങ്കോട്ട് സ്കൂളിൽ മഹാത്മാഗാന്ധിയുടെയും എ.സി. കണ്ണൻ നായരുടെയും പ്രതിമ അനാഛാദനം (നാളെ)
മേലാങ്കോട്ട് സ്കൂളിൽ മഹാത്മാഗാന്ധിയുടെയും എ.സി. കണ്ണൻ നായരുടെയും പ്രതിമ
അനാഛാദനം (നാളെ)
കാഞ്ഞങ്ങാട് : മേലാങ്കോട്ട് എ.സി. കണ്ണൻ നായർ സ്മാരക ഗവ.യു.പി.സ്കൂളിന്റെ മുറ്റത്ത് സ്ഥാപിക്കാനുള്ള മഹാത്മാഗാന്ധിയുടെയും എ.സി. കണ്ണൻ നായരുടെയും പ്രതിമ തയ്യാറായി.
നാളെ (തിങ്കൾ ) രാവിലെ 10 മണിക്ക് നടക്കുന്ന ചടങ്ങിൽ സാംസ്കാരിക- ഫിഷറീസ് വകുപ്പ് മന്ത്രി സജി ചെറിയാൻ പ്രതിമകളുടെ അനാഛാദനം നിർവഹിക്കും. കാഞ്ഞങ്ങാട് സൗത്ത് വൊക്കേഷണൽ ഹയർ സെക്കണ്ടറി സ്കൂൾ ചിത്രകലാ അധ്യാപകൻ സുരേഷ് ചിത്രപ്പുരയാണ് മഹാത്മാഗാന്ധി പ്രതിമയുടെ ശില്പി.മേലാങ്കോട്ട് സ്കൂളിലെ പൂർവവിദ്യാർഥികളായ തന്റെ മക്കൾ അക്ഷയ് , അക്ഷര എന്നിവരുടെ പേരിലാണ് ഏഴടി ഉയരത്തിലുള്ള രാഷ്ട്ര പിതാവിന്റെ പൂർണ കായ സിമന്റ് ശില്പം വിദ്യാലയത്തിന് സമർപ്പക്കുന്നത്.. അമ്പതിനായിരം രൂപ ചെലവിൽ ആറു മാസമെടുത്താണ് ശില്പം പൂർത്തിയാക്കിയത്. ദുർഗാ ഹൈസ്കൂൾ അധ്യാപകനും യുവതലമുറയിലെ പ്രശസ്ത ശില്പിയുമായ ചിത്രൻ കുഞ്ഞിമംഗലം മൂന്നു മാസമെടുത്താണ്
മൂന്നടി വലുപ്പമുള്ള എ.സി. കണ്ണൻ നായരുടെ അർധ കായ പ്രതിമ നിർമ്മിച്ചത്. എ.സി. കണ്ണൻ നായരുടെ കുടുംബാംഗങ്ങളാണ് അമ്പതിനായിരം രൂപ ചെലവിൽ ഫൈബർ ശില്പം വിദ്യാലയത്തിന് സമർപ്പിക്കുന്നത്.