ശുചിത്വ സാഗരം സുന്ദര തീരം…. അജാനൂരിൽ കടലോര നടത്തം നടന്നു.
ശുചിത്വ സാഗരം സുന്ദരതീരം..
അജാനൂരിൽ കടലോര നടത്തം നടന്നു.
കാഞ്ഞങ്ങാട്: കടലും കടലോരവും പ്ലാസ്റ്റിക് മുക്തമാക്കുക എന്ന ലക്ഷ്യത്തോടെ കേരള സർക്കാർ ആവിഷ്കരിച്ചു നടപ്പിലാക്കിവരുന്ന തീവ്രയജ്ഞ പരിപാടിയാണ് ശുചിത്വസാഗരം സുന്ദരതീരം പദ്ധതി. ഇതിലൂടെ കടലും കടൽത്തീരവും പ്ലാസ്റ്റിക് മുക്തമാക്കി സ്വാഭാവിക ആവാസ വ്യവസ്ഥ പുനസ്ഥാപിക്കുക എന്നതാണ് ലക്ഷ്യം വെക്കുന്നത്. മത്സ്യസമ്പത്തും ആരോഗ്യ സമ്പത്തും വീണ്ടെടുക്കുന്നതിന് മുന്നോടിയായി ജനങ്ങളെ ബോധവത്കരണം നടത്തി ശുചിത്വ സന്ദേശം എത്തിക്കുക എന്നതിന്റെ ഭാഗമായി കേരളത്തിലൊട്ടാകെ സർക്കാരിന്റെ നേതൃത്വത്തിൽ വിവിധങ്ങളായ പരിപാടികൾ സംഘടിപ്പിച്ചു വരികയാണ്. ശുചിത്വ സാഗരം സുന്ദര തീരം പദ്ധതിയുടെ ഭാഗമായി വിവിധ വകുപ്പുകൾ, സന്നദ്ധ സംഘടനകൾ, വിദ്യാലയങ്ങൾ എന്നിവയുടെ സഹായത്തോടെ ക്വിസ് മത്സരങ്ങൾ , ബൈക്ക് റാലി , ബോധവൽക്കരണ ക്ലാസ്സുകൾ, കടൽ സംരക്ഷണത്തിനായി പരിസ്ഥിതി പ്രവർത്തകരുടെ കൂടായ്മകൾ, കടലോര നടത്തം തുടങ്ങിയ വൈവിധ്യമാർന്ന പരിപാടികൾ ആവിഷ്ക്കരിച്ചു നടപ്പാക്കി വരികയാണ് അജാനൂർ ഗ്രാമ പഞ്ചായത്ത്.
അജാനൂർ പഞ്ചായത്തിന്റെയും ഫിഷറീസ് വകുപ്പിന്റെയും തീരദേശ പോലീസിനെയും മറ്റ് ബഹുജനങ്ങളുടെയും നേതൃത്വത്തിൽ അജാനൂർ സൗത്ത്
യൂട്ടിലിറ്റി സെന്റർ പരിസരത്തുനിന്നും തുടങ്ങി ഫിഷ് ലാൻഡിങ് സെന്ററി ലേക്ക് കടലോര നടത്തം നടന്നു. അജാനൂർ സൗത്ത് യൂട്ടിലിറ്റി സെന്റർ പരിസരത്ത് നിന്ന് ആരംഭിച്ച് മൂന്നര കിലോമീറ്റർ പിന്നിട്ട് ഫിഷ് ലാൻഡിൽ സമാ പിച്ചു. കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡണ്ട് കെ. മണികണ്ഠൻ കടലോര നടത്തം ഫ്ലാഗ് ഓഫ് ചെയ്തു. തുടർന്ന് ഫിഷ് ലാൻഡ് പരിസരത്ത് നടന്ന സമാപന പരിപാടി കാഞ്ഞങ്ങാട് ഡി. വൈ. എസ്. പി ബാലകൃഷ്ണൻനായർ ഉദ്ഘാടനം ചെയ്തു. അജാനൂർ ഗ്രാമപഞ്ചായത്ത് പ്രസിഡണ്ട് ടി. ശോഭ അധ്യക്ഷയായി. ഫിഷറീസ് ഡെപ്യൂട്ടി ഡയറക്ടർ സതീശൻ പി. വി. വിശിഷ്ടാതിഥിയായി. മുഖ്യാതിഥിയായി . ബി. ആർ. ഡി സി.
എം. ഡി.ഷിജിത്ത് മുഖ്യാതിഥിയായിരുന്നു.അജാനൂർ ഗ്രാമ പഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ കെ. കൃഷ്ണൻ മാസ്റ്റർ, കെ. മീന, ഷീബ ഉമ്മർ, പഞ്ചായത്ത് മെമ്പർമാരായ അശോകൻ ഇട്ടമ്മൽ, ഹംസ.സി.എച്ച്, കെ. രവീന്ദ്രൻ ,ഇബ്രാഹിം ആവിക്കൽ , കെ.സതി, ലക്ഷ്മി കെ.വി,
ഷക്കീല ബദറുദ്ദീൻ, ഹാജിറ അബ്ദുൾ സലാം , സി.ഡി.എസ് വൈസ് ചെയർപേഴ്സൺ ബിന്ദു , തീരദേശ വളണ്ടിയർ ദീപ പ്രവീൺ , ഫിഷറീസ് ഓഫീസർ പ്രമീള ഒ.വി പ്രമോട്ടർമാരായ ജിജി ജോൺ, രേഷ്മ ബാലൻ , വോളണ്ടിയർമാരായ ആര്യ,ജിസ്ന, ശരണ്യ തുടങ്ങി വിവിധ സാമൂഹ്യ രാഷ്ട്രീയ മേഖലയിലെ പ്രമുഖർ സംസാരിച്ചു. കടലോര നടത്തത്തിൽ വിവിധ സ്കൂളുകളിലെ എൻസിസി, സ്കൗട്ട്സ് ആൻഡ് ഗൈഡ്സ്, സ്റ്റുഡന്റ് പോലീസ്, നാഷണൽ സർവീസ് സ്കീം അംഗങ്ങൾ, റെഡ്ക്രോസ് അംഗങ്ങൾ, കുടുംബശ്രീ അംഗങ്ങൾ തൊഴിലുറപ്പ് തൊഴിലാളികൾ, മറ്റ് ബഹുജനങ്ങള ടക്കം നൂറുകണക്കിനാളുകൾ പങ്കെടുത്തു. സമാപന പരിപാടിയിൽ വിദ്യാർത്ഥികളുടെ ഫ്ലാഷ് മോബും വിവിധ കലാപരിപാടികളും നടന്നു.
Loading ...
