പുരോഗമന കലാ – സാഹിത്യ സംഘം .. “സോദരത്വേന ” കലാ-സാംസ്ക്കാരിക യാത്ര 13 ന് തുടങ്ങും
.
പുരോഗമന കലാ – സാഹിത്യ സംഘം ..
“സോദരത്വേന ” കലാ-സാംസ്ക്കാരിക യാത്ര 13 ന് തുടങ്ങും
………………………
ജില്ലയുടെ സാമൂഹിക സാംസ്ക്കാരിക രംഗത്ത് മാനവികതയുടെ പതാകയുയർത്തിപ്പിടിച്ചു കൊണ്ട് പുരോഗമന കലാ -സാഹിത്യ സംഘം കാസർഗോഡ് ജില്ല കമ്മിറ്റി സംഘടിപ്പിക്കുന്ന “സോദരത്വേന ” – കലാ-സാംസ്ക്കാരിക യാത്രയ്ക്ക് ഫെബ്രുവരി 13ന് ചെറുവത്തൂരിൽ തുടക്കമാവും.സംഘം സംസ്ഥാന ജനറൽ സിക്രട്ടരി അശോകൻ ചരുവിൽ സാംസ്ക്കാരിക യാത്ര ഉദ്ഘാടനം ചെയ്യും.ചടങ്ങിൽ ഡോ.സുനിൽ .പി .ഇളയിടം മുഖ്യ പ്രഭാഷണം നടത്തും. സംഘാടക സമിതി ചെയർമാൻ മാധവൻ മണിയറ സ്വാഗതം ആശംസിച്ച് സംസാരിക്കും. സി.എം.വിനയചന്ദ്രൻ അധ്യക്ഷത വഹിക്കും.പരിപാടിയിൽ വച്ച് ഡോ..വി.പി.പി.മുസ്തഫയുടെ “ജൈവ നീതിദർശനം .പി. കവിതയിൽ ” എന്ന പുസ്തകം സുനിൽ പി.ഇളയിടം പ്രകാശനം ചെയ്യും. ഗ്രാമപ്പഞ്ചായത്ത് പ്രസിഡൻ്റ് സി.വി.പ്രമീള ,ഗുരുപൂജ അവാർഡ് ജേതാവ് പി.വി.കെ.പനയാലിനെ ആദരിക്കും. ഡോ.എ.എം.ശ്രീധരൻ പുസ്തകം ഏറ്റുവാങ്ങും.ജയചന്ദ്രൻ കുട്ടമത്ത് ജാഥ പരിപാടി വിശദീകരിച്ച് സംസാരിക്കും.ഇ.പി.രാജഗോപാലൻ പുസ്തക പരിചയം നടത്തും. എം.കെ.മനോഹരൻ, പി.വി.കെ. പനയാൽ, ഡോ.ജിനേഷ് കുമാർ എരമം, ഡോ.പി.പ്രഭാകരൻ, വാസു ചോറോട് ,വി.വി.കൃഷ്ണൻ എന്നിവർ സംസാരിക്കും. മാനവികത, സംസ്ക്കാരം ,വികസനം എന്നീ ആശയങ്ങളിലൂടെ ജില്ലയിലെ നാൽപതോളം കേന്ദ്രങ്ങളിൽ ജനങ്ങളുമായി സംവദിച്ചുകൊണ്ട് ഫെബ്രുവരി 24 ന് ബോവിക്കാനത്ത് സമാപിക്കും. സമാപന സമ്മേളനം ടി പദ്മനാഭൻ ഉദ്ഘാടനം ചെയ്യും. ഡോ.കെ.എം.അനിൽ മുഖ്യ പ്രഭാഷണം നടത്തും. സി.എം.വിനയചന്ദ്രൻ ലീഡറും ജയചന്ദ്രൻ കുട്ടമത്ത് മാനേജറുമായിട്ടുള്ള സാംസ്ക്കാരി യാത്രയിൽ ജി.അംബുജാക്ഷൻ, ഡോ.എൻ.പി.വിജയൻ, അഡ്വ.സി.ഷുക്കൂർ , എ. വിധുബാല എന്നിവർ സ്ഥിരാംഗങ്ങളാണ്. ജില്ലയിലെ കലാ-സാംസ്ക്കാരിക രംഗത്തെ പ്രമുഖർ സാംസ്ക്കാരിക യാത്രയുടെ സ്വീകരണ വേദികളിൽ പങ്കാളികളാകും. നാടകം, സംഗീതശില്പം എന്നീ കലാപരിപാടികളുമായി ജില്ലയിലെ മുപ്പതോളം കലാകാരൻമാരും കലാകാരികളുമടങ്ങുന്ന സംഘം സാംസ്ക്കാരികയാത്രയുടെ വിവിധ സ്വീകരണകേന്ദ്രങ്ങളിൽ കലാവതരണങ്ങൾ നടത്തും. സ്വീകരണ പരിപാടികൾ വിജയിപ്പിക്കുന്നതിനുള്ള ഒരുക്കങ്ങൾ ജില്ലയിലുടനീളം നടന്നു വരികയാണ്.സാംസ്ക്കാരിക യാത്രയുടെ ഭാഗമായി വിവിധ അനുബന്ധ പരിപാടികളും നടക്കുന്നുണ്ട്.
പത്ര സമ്മേളനത്തിൽ സംഘാടക സമിതി ചെയർമാൻ മാധവൻ മണിയറ, വർക്കിംഗ് ചെയർമാൻ സി വി പ്രമിള, ജില്ല സെക്രട്ടറി ജയചന്ദ്രൻ കുട്ടമത്ത്, പ്രസിഡണ്ട് സി എം വിനയചന്ദ്രൻ, സംഘടക സമിതി ജനറൽ കൺവീണർ അനീഷ് വെങ്ങാട്ട് വൈസ് ചെയർമാൻ കെ കെ നായർ എന്നിവർ പങ്കെടുത്തു.
Loading ...
