മാണിക്കോത്ത് പുതിയപുരയിൽ തറവാട് കളിയാട്ട മഹോത്സവം സമാപിച്ചു . നിരവധി തെയ്യക്കോലങ്ങൾ അരങ്ങിലെത്തി

🔊 Listen to this

Buero Report

മാണിക്കോത്ത് പുതിയപുരയിൽ തറവാട് കളിയാട്ട മഹോത്സവം സമാപിച്ചു
. നിരവധി തെയ്യക്കോലങ്ങൾ അരങ്ങിലെത്തി

.
മാണിക്കോത്ത്: മാണിക്കോത്ത് പുതിയപുരയിൽ നാൽപ്പാടി തറവാട്ടിൽ നീണ്ട 11 വർഷങ്ങൾക്ക് ശേഷം മെയ് 7, 8 തീയതികളിലായി നടത്തപ്പെട്ട കളിയാട്ട മഹോത്സവംസമാപിച്ചു. . 2009ൽ തറവാട്ടിൽ വച്ച് നടന്ന സ്വർണ്ണ പ്രശ്നചിന്തയിൽ തറവാടിനെ കുറിച്ച് വിശദമായ അറിവ് ലഭിക്കുകയും തറവാടിന്റെ അനുബന്ധമായ തറവാടാക്കി ആനവാതുക്കൽ വയനാട്ടുകുലവൻ തറവാട് സ്ഥാനവും കാരണവന്മാർ മുൻപേ സ്ഥാപിച്ച എടുത്തിരുന്ന കാര്യവും ഇതിൽ പരാമർശിച്ചിരുന്നു. പുതിയപുരയിൽ തറവാട് നാൽപ്പാടി തറവാട് എന്നപേരിൽ മാണിക്കോത്ത് നിവാസികളുടെ മനസ്സിൽ മുൻപേ സ്ഥാനം പിടിച്ച തറവാടായിരുന്നു.

മഞ്ഞടുക്കം ശ്രീ തുളുർ വനത്ത്‌ ഭഗവതി ക്ഷേത്രത്തിലെ പ്രധാന ആചാര സ്ഥാനം, അടോട്ട് മൂത്തേടത്ത് കുതിര് പാടാർകുളങ്ങര പഴയ ദേവസ്ഥാനം മുത്തേടത്ത് നാൽപ്പാടി സ്ഥാനം എന്നിവ മാണിക്കോത്ത് പുതിയപുരയിൽ തറവാടുകാരുടേതാണ്. മാണിക്കോത്ത് പുന്നക്കാൽ ഭഗവതി ക്ഷേത്രത്തിൽ എല്ലാ സംഗമ ദിനങ്ങളിലും കലശം വയ്ക്കുന്നത് പുതിയപുരയിൽ തറവാട്ടുകാരാണ്. തറവാട്ടിൽ പതിനൊന്ന് വർഷങ്ങൾക്ക് ശേഷം നടക്കുന്ന കളിയാട്ട മഹോത്സവത്തിന്റെ ഭാഗമായി മെയ് ഏഴിന് തെയ്യം കൂടലും മെയ് 8ന് രാവിലെ മുതൽ ഉച്ചൂളി കടവത്ത് ഭഗവതി, ആയിറ്റി ഭഗവതി, വിഷ്ണുമൂർത്തി, രക്തചാമുണ്ഡി എന്നീ ദൈവ കോലങ്ങളും അരങ്ങിലെത്തി.അന്നദാനവും നടന്നു. കളിയാട്ട മഹോത്സവത്തിൽ പങ്കാളികളാകാനും ധർമ്മദൈവങ്ങളുടെ അനുഗ്രഹം ഏറ്റുവാങ്ങാനും നിരവധി ഭക്തജനങ്ങൾ തറവാട് സന്നിധിയിലെത്തി. വൈകിട്ട് നടന്ന വിളക്കിലരി ചടങ്ങോടു കൂടി കളിയാട്ട മഹോത്സവത്തിന് സമാപനമായി

Live Cricket Live Share Market

मौषम का हाल

Delhi Weather