വായനയുടെ സമഗ്ര വികാസത്തിനായി ഉദിനൂർ സ്കൂളിൽ വാക്കുര വായനക്കൂട്ടം —
വായനയുടെ സമഗ്ര വികാസത്തിനായി ഉദിനൂർ സ്കൂളിൽ വാക്കുര വായനക്കൂട്ടം
——————–
സോഷ്യൽ മീഡിയയുടെ മേൽക്കോയ്മയുള്ള ഡിജിറ്റൽ കാലഘട്ടത്തിൽ
പുസ്തകവായനയ്ക്കും ചർച്ചയ്‌ക്കുമായി ഒരു പുതിയ ചുവടുവയ്പ്പ്.
അധ്യാപകരുടെയും കുട്ടികളുടെയും രക്ഷിതാക്കളുടെയും വായന പരിപോഷിപ്പിക്കുക
എന്ന ലക്ഷ്യത്തോടെ ഉദിനൂർ സെൻട്രൽ യു പി സ്കൂളിൽ വാക്കുര എന്ന പേരിൽ
വായനക്കൂട്ടം പ്രവർത്തനമാരംഭിച്ചു. പ്രശസ്ത എഴുത്തുകാരനും പ്രഭാഷകനുമായ
പ്രകാശൻ കരിവെള്ളൂർ വാക്കുര വായനക്കൂട്ടത്തിൻറെ ഉദ്ഘാടനം നിർവഹിച്ചു. വിവിധ സാഹിത്യ മത്സരങ്ങളിൽ വിജയികളായ കുട്ടികൾ സൃഷ്ടികൾ അവതരിപ്പിച്ചു.
പദ്ധതിയുടെ
ആദ്യഘട്ടത്തിൽ വാക്കുര വായനക്കൂട്ടം വാട്സപ്പ്
ഗ്രൂപ്പ് രൂപകരിക്കുകയും അതിൽ മുപ്പതോളം ഏറ്റവും പുതിയ കവിതകൾ
തിരഞ്ഞെടുത്ത് പോസ്റ്റ് ചെയ്യുകയും ചെയ്തു. അവയിൽ നിന്ന് ഒന്ന് ഓരോ
അധ്യാപികയും തിരഞ്ഞെടുക്കുകയും അവയുടെ വിശകലനങ്ങൾ തയ്യാറാക്കുകയും ചെയ്തു.
തുടർന്ന് ‘പുതിയ കവിത ജീവിതമെഴുതുമ്പോൾ ‘ എന്ന വിഷയത്തിൽ
കവിതാ ചർച്ച സംഘടിപ്പിച്ചു. സ്കൂൾ ഹെഡ്മിസ്ട്രസ് കൈരളി പുറവങ്കര
കവിതാചർച്ചയുടെ ഉദ്ഘാടനം നിർവഹിച്ചു. ഏ വി സന്തോഷ് കുമാർ വിഷയാവതരണം
നടത്തി. ടി ബിന്ദു ടീച്ചറുടെ അദ്ധ്യക്ഷതയിൽ നടന്ന ചടങ്ങിൽ ഏറ്റവും പുതിയ
ഇരുപതോളം കവിതകളുടെ അവതരണവും ചർച്ചയും നടന്നു.
കെ. ശ്രീധരൻ നമ്പൂതിരി,
അനുഷ എം വി, നവ്യശ്രീ പി വി, രേഷ്മ സി, അഞ്ജന ടി, അനീഷ കെ പി,
ശ്രീപാർവ്വതി പി, രേഷ്മ എ, ജിഷ എം, ആതിരാബാലൻ, നിഷ ടി വി, കൃഷ്ണകുമാർ കെ, രേഷ്മ പി വി, ശ്രീലത കെ ഇ, രേഷ്മ ടി വി, സി
എം ബിന്ദു, ശ്രീജയ സി , സീമ എം കെ, ദേവു ആർ നാഥ്, അഭിനന്ദ് കെ ടി
തുടങ്ങിയവർ കവിതകൾ അവതരിപ്പിച്ച് സംസാരിച്ചു. സി എം ബിന്ദു നന്ദി
പ്രകാശിപ്പിച്ചു.
തുടർന്നുള്ള ആഴ്ച്ചകളിൽ ഒറ്റക്കവിതാ പഠനം, കഥാ പഠനം, പുസ്തക ചർച്ച
തുടങ്ങിയവ സംഘടിപ്പിക്കാൻ ഒരുങ്ങുകയാണ് സ്കൂൾ അധികൃതർ.
Loading ...
