വിതപ്പാട്ടിന്റെ താളത്തിൽ വിത്തെറിഞ്ഞ് ബാനം ഗവ.ഹൈസ്‌കൂൾ കുട്ടികൾ
വിതപ്പാട്ടിന്റെ താളത്തിൽ വിത്തെറിഞ്ഞ് ബാനം ഗവ.ഹൈസ്‌കൂൾ കുട്ടികൾ
ബാനം: കിളച്ചുമറിച്ച മണ്ണിൽ വിതപ്പാട്ടിന്റെ താളത്തിൽ വിത്തെറിഞ്ഞ് ബാനം ഗവ.ഹൈസ്‌കൂൾ കുട്ടികൾ. കാർഷിക സംസ്കൃതിയുടെ പാഠങ്ങൾ വിദ്യാർത്ഥികളിൽ എത്തിക്കുക എന്ന ലക്ഷ്യത്തോടെ സ്കൂളിലെ ഹരിതസേന, നല്ലപാഠം, സീഡ് ക്ലബുകളുടെ നേതൃത്വത്തിലാണ് കരനെൽകൃഷിക്കായി വിത്തിട്ടത്. തൊഴിലുറപ്പ് തൊഴിലാളികളുടെ സഹകരണത്തോടെ ഒരുക്കിയ സ്വകാര്യ വ്യക്തിയുടെ മുപ്പത് സെന്റ് സ്ഥലത്താണ് കൃഷി ആരംഭിച്ചത്. പിലിക്കോട് കാർഷിക ഗവേഷണ കേന്ദ്രത്തിൽ നിന്നും വാങ്ങിയ ജൈവ നെല്ലാണ് നടാനായി ഉപയോഗിച്ചത്. ജനപ്രതിനിധികൾ, നാട്ടുകാർ, രക്ഷിതാക്കൾ, പി.ടി.എ, എം.പി.ടി.എ, എസ്.എം.സി അംഗങ്ങൾ, കുട്ടികൾ, അധ്യാപകർ, ജീവനക്കാർ എന്നിവരെല്ലാം പങ്കാളികളായി. പരപ്പ ബ്ലോക്ക് പഞ്ചായത്ത് വൈസ് പ്രസിഡന്റ് കെ.ഭൂപേഷ്, കോടോം ബേളൂർ പഞ്ചായത്ത് സ്ഥിരം സമിതി അധ്യക്ഷൻ പി.ഗോപാലകൃഷ്ണൻ, പി.ടി.എ പ്രസിഡന്റ് കെ.എൻ അജയൻ, മദർ പി.ടി.എ പ്രസിഡന്റ് രജിതഭൂപേഷ്, പി.ടി.എ വൈസ് പ്രസിഡന്റ് പി.മനോജ് കുമാർ, എസ്.എം.സി വൈസ് ചെയർമാൻ പാച്ചേനി കൃഷ്ണൻ, പ്രധാനധ്യാപിക സി.കോമളവല്ലി, പി.കെ ബാലചന്ദ്രൻ, അനൂപ് പെരിയൽ, കെ.എൻ ഭാസ്‌കരൻ, കെ.സി ഗോവിന്ദൻ, ടി.വി കുഞ്ഞിരാമൻ എന്നിവർ നേതൃത്വം നൽകി.
Loading ...
