വായനാ മാസാ ചാരണവും ബാലസാഹിത്യ പുസ്തകോത്സവവും നടന്നു
വായനാ മാസാ ചാരണവും ബാലസാഹിത്യ പുസ്തകോത്സവവും നടന്നു
.
കാഞ്ഞങ്ങാട്: കേരള സർക്കാരിന്റെ സാംസ്കാരിക വകുപ്പിന് കീഴിൽ പ്രവർത്തിക്കുന്ന ബാലസാഹിത്യ പ്രസിദ്ധീകരണ പ്രസ്ഥാനമായ കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് വിവിധസംഘടനകളുമായി ബന്ധപ്പെട്ട് വിദ്യാലയങ്ങളിൽ ബാലസാഹിത്യ പുസ്തകോത്സവം സംഘടിപ്പിച്ചു വരികയാണ്. വിദ്യാർത്ഥികൾക്ക് ബാല സാഹിത്യ ഇന്സ്റ്റിറ്റ്യൂട്ട് പ്രസിദ്ധീകരിക്കുന്ന പുസ്തകങ്ങൾ കാണുവാനും പരിചയപ്പെടാനും വാങ്ങുവാനും അവസരമൊരുക്കുക എന്നതാണ് പുസ്തകോത്സവത്തിന്റെ ഉദ്ദേശം. ഒരു കുട്ടിക്ക് ഒരു പുസ്തകം എങ്കിലും എന്ന ലക്ഷ്യം സാക്ഷാത്കരിക്കാനാണ് ഇതിലൂടെ ശ്രമിക്കുന്നത്. അതിയാമ്പൂർ ചിന്മയ വിദ്യാലയത്തിൽ ഇതിന്റെ ഭാഗമായി വായന മാസാചരണവും ബാലസാഹിത്യ പുസ്തകോത്സവവും സംഘടിപ്പിച്ചു. കവിയും കേന്ദ്ര സാംസ്കാരിക വകുപ്പ് സീനിയർ ഫെലോയുമായ നാലപ്പാടം പത്മനാഭൻ പരിപാടി ഉദ്ഘാടനം ചെയ്തു. ചിന്മയ വിദ്യാലയം പ്രിൻസിപ്പാൾ സി. ചന്ദ്രൻ അധ്യക്ഷത വഹിച്ചു. കവി നാലപ്പാടം പത്മനാഭനെ പൊന്നാടയണിയിച്ച് ആദരിക്കുന്ന ചടങ്ങും നടന്നു. ഇംഗ്ലീഷ് വിഭാഗം മേധാവി മിനി പി. കെ, ആശംസ നേർന്നു. മലയാള വിഭാഗം മേധാവി ഗീത രാമകൃഷ്ണൻ സ്വാഗതവും വിദ്യാർത്ഥി പ്രതിനിധി അന്നപൂർണ നായക് നന്ദിയും പറഞ്ഞു. തുടർന്ന് ബാലസാഹിത്യ ഇൻസ്റ്റിറ്റ്യൂട്ട് പുസ്തക ങ്ങളുമായി പുസ്തക വണ്ടിയിൽ വിദ്യാർത്ഥികൾക്ക് ആവശ്യമായ പുസ്തക വിതരണവും നടന്നു
Loading ...
